Təbriz Universitetinin fizika tələbəsi, qadağan olunmuş tələbə nəşri olan "Yol"un redaksiya heyətinin üzvü Süməyya Heydəri 1 fevral bazar günü axşamı evində təhlükəsizlik qüvvələri tərəfindən həbs edilib.

Gunaz.tv

Əldə edilən məlumata görə, təhlükəsizlik işçiləri tələbənin həbsi zamanı onun mobil telefonunu və şəxsi noutbukunu da müsadirə ediblər.

Bu xəbərin hazırlandığı vaxta qədər ailəsinə ona qarşı irəli sürülən ittihamlar və ya onun harada olması barədə heç bir rəsmi məlumat verilməyib.

Bundan başqa, bazar günü Təbriz Universitetinin başqa bir tələbəsi və qadağan olunmuş tələbə nəşri olan "Yol"un baş redaktoru Pedram Əlamdari də təhlükəsizlik qüvvələri tərəfindən evində həbs edilib.