İtaliya millisinin heyətində Avropa çempionu olan Jorjinyo “Arsenal”dan ayrıldıqdan sonra özünə yeni klub tapıb.

Xalqcebhesi.az xəbər verir ki, 2025-ci ildə klublararası dünya çempionatında çıxış edəcək Braziliyanın “Flamenqo” klubu yarımmüdafiəçi ilə 3 illik müqavilə imzaladığını açıqlayıb.

33 yaşlı Jorjinyo 2023-2025-ci illərdə “Arsenal”ın formasını geyinib. O, əvvəllər “Çelsi” və “Napoli”də çıxış edib.

Qeyd edək ki, “Flamenqo”da “Qarabağ”ın sabiq futbolçusu Juninyo Olavio çıxış edir. O, qışda Braziliya təmsilçisinə 5 milyon avroya transfer olunub.