İngiltərənin "Çelsi" klubunun hücumçusu Nikolas Cekson karyerasını İtaliyada davam etdirə bilər.

"Report" xarici KİV-ə istinadən xəbər verir ki, A Seriyası təmsilçiləri "Yuventus" və "Napoli" forvardın xidmətində maraqlıdır.

London klubu da 24 yaşlı seneqallı futbolçu ilə yolları ayırmaq niyyətindədir.

Qeyd edək ki, N.Ceksonun "Çelsi" ilə müqaviləsinin müddəti 2033-cü ilə qədərdir. O, ötən mövsüm komandasının heyətində bütün yarışlarda meydana çıxdığı 34 matçda 13 qola, 5 məhsuldar ötürməyə imza atıb.