Türkiyə təmsilçilərindən “Başakşəhər”in UEFA Konfrans Liqasının II təsnifat mərhələsindəki rəqibi müəyyənləşib.

İstanbul təmsilçisi Finlandiyanın “İnter Turku” klubu ilə qarşılaşacaq.

Finlandiya komandası I təsnifat mərhələsində Bosniya və Herseqovinanın “Sarayevo” klubunu mübarizədən kənarlaşdırıb. İlk görüş 1:1 hesabı ilə başa çatıb, cavab matçında isə “İnter Turku” 2:1 hesablı qələbə qazanıb. Beləliklə, Finlandiya təmsilçisi ümumi hesabda 3:2 üstün olub.

Cütün ilk oyunu iyulun 23-də “Başakşəhər Fatih Terim” stadionunda, cavab görüşü isə iyulun 30-da Finlandiyadakı “Veritas” stadionunda keçiriləcək.