Fransa prezidenti Emmanuel Makron Kaxovka SES-in dağıdılması ilə bağlı Ukrayna xalqına dəstəyini bir daha təsdiqləyib və yaxın vaxtlarda təcili humanitar yardım göndərmək niyyətində olduğunu bildirib.

Bu barədə Fransa prezidenti öz "Twitter" səhifəsində yazıb.

"Prezident Zelenskiyə Ukrayna xalqı ilə birliyimizi bildirdim (...). Yaxın saatlarda təcili ehtiyacları qarşılayan yardım göndərəcəyik", - deyə o bildirib.
Yelisey Sarayının nümayəndəsindən verilən məlumata əsasən, Fransa gigiyena vasitələri, su təmizləyici avadanlıq və dərman preparatları da daxil olmaqla 10 tona yaxın humanitar yardım göndərməyi planlaşdırır.