MDB ölkələrinin ümumi radar identifikasiyası sistemi “Parol” yaradılıb.

APA-nın Moskva müxbiri xəbər verir ki, bunu Rusiya müdafiə naziri Andrey Belausov MDB Müdafiə Nazirləri Şurasının iclasında çıxışı zamanı bildirib.

O, bu sistemin həyata keçirilməsində göstərdikləri dəstəyə və köməyə görə iştirakçı ölkələrə təşəkkürünü bildirib.

Rusiya MN başçısı xatırladıb ki, indiyə kimi MDB məkanında hava hücumundan müdafiə, rabitə, radiasiya, kimyəvi və bioloji vəziyyətin monitorinqi və qiymətləndirilməsi, “Parol” ümumi radar identifikasiyası kimi birləşmiş hərbi sistemlər yaradılıb.