Ukraynanın bir çox böyük şəhərlərində partlayışlar baş verib.

APA xəbər verir ki, bu barədə yerli media yazır.

Məlumata görə, ölkənin hər yerində hava hücumu xəbərdarlığı elan edilib.

Yerli ictimaiyyət Kiyev, Dnepr, Odessa, Zaporojye, Krivoy Roq, Rivne, İvano-Frankivsk və digər şəhərlərdə partlayışlar olduğunu bildirir.

Hücumların enerji obyektlərinə yönəldiyi qeyd olunur.

Bir çox şəhərlərdə fövqəladə elektrik enerjisi kəsilməyə başlayıb. Belə ki, Kiyev, Krivoy Roq, Dnepr və Odessa sakinləri elektrik enerjisinin kəsilməsi barədə məlumat verirlər.