Yaponiya hökuməti Rusiya və KXDR arasında əməkdaşlığın inkişafı səbəbindən ona qarşı sanksiyaların sərtləşdirilməsi imkanlarını nəzərdən keçirir.

Bu barədə mənbələrə istinadən NHK telekanalı məlumat yayıb.

Qeyd edildiyi kimi, Tokio Moskva və Pxenyan arasında qarşılıqlı əlaqənin guya Avropa və Asiyada təhlükəsizliyə təsir etməsindən narahatdır və həmçinin bunun “beynəlxalq hüququ pozduğu” kimi qəbul edir.

Yaponiya artıq ixrac və idxal məhdudiyyətləri, habelə fiziki şəxslərin və təşkilatların aktivlərinin dondurulması da daxil olmaqla bir sıra məhdudlaşdırıcı tədbirlər tətbiq edib. Telekanal qeyd edir ki, əlavə sanksiya tədbirləri aktivlərin dondurulmasını da əhatə edə bilər. Tokio öz hərəkətlərini digər ölkələrlə, o cümlədən G7 üzvləri ilə əlaqələndirmək niyyətindədir.

Cavid