İddiaya görə, Türkiyənin paytaxtı Ankara şəhərinin Çubuk bölgəsində S.T., F.E. və M.G. ilə Şenol Özyıldız arasında naməlum səbəbdən mübahisə düşüb. Mübahisə böyüyüb və Ş.Özyıldız bıçaqlanıb.

Xalqcəhbəsi.az Türkiyənin “ensonhaber.com” saytına istinadən xəbər verir ki, hadisə yerinə təcili yardım və polis qrupları gəlib. Yaralanan Ş.Özyıldız hadisə yerinə gələn sağlamlıq qrupları tərəfindən Halil Şıvgın Çubuk Dövlət Xəstəxanasın aparılıb, lakin o, xəstəxanada dünyasını dəyişib. S.T., F.E. və M.G. isə polis qrupu tərəfindən cinayət aləti olan 2 bıçaqla tutularaq nəzarətə götürülüb. Şübhəlilər polisdəki əməliyyatların ardından ədliyyəyə sövq edilib.