Suriyalılar genişmiqyaslı vətəndaş müharibəsinin öhdəsindən təkbaşına gəlməli olacaqlar, çətin ki, Rusiya belə şəraitdə dəstək versin.

Xalqcebhesi.az xəbər verir ki, bu sözləri Rusiya Federal Şurasının vitse-prezidenti Konstantin Kosaçev özünün Teleqram kanalında yazıb.

“Lazım gələrsə, Rusiya Suriya xalqına dəstəyini davam etdirəcək, lakin suriyalılar tammiqyaslı vətəndaş müharibəsi ilə təkbaşına mübarizə aparmalı olacaqlar”, - o bildirib.

Kosaçovun sözlərinə görə, Suriyadakı hadisələr hamı üçün faciədir:

“Biz ruslar üçün prioritet vəzifə Suriya, onun suverenliyi və ərazi bütövlüyü naminə orada olan soydaşlarımızın və mülki şəxslərin, o cümlədən diplomatların və onların ailə üzvlərinin, təbii ki, hərbçilərin təhlükəsizliyini təmin etməkdir”.

Kosaçov iddia edib ki, Suriyada ən pisi hələ qarşıdadır:

"Suriya çox çətin hekayədir, bu və ya digər şəkildə, vətəndaş müharibəsi bu gün bitməyəcək, açıq terror qrupları da daxil olmaqla, həddindən artıq çox münaqişə var".

Qeyd edək ki, Dəməşqi ələ keçirərək, Əsəd rejimini devirən “Heyət Təhrir əş-Şam” Rusiyanın tartus və Hmeymim bazalarının qorunmasına təminat verib.