Türkiyə ABŞ-ı Suriyanın şimalında Kürdüstan Fəhlə Partiyası (Türkiyədə terrorçu kimi tanınan PKK) ilə əlaqəli qüvvələrin mövcudluğuna son qoymağın zəruriliyi ilə bağlı xəbərdarlıq edəcək.

CNN Türk xəbər verir ki, əks halda Ankaranın özü bölgəni terrorçulardan təmizləmək üçün tədbirlər görəcək.

Onun sözlərinə görə, Türkiyə tərəfinin bu mesajı Ankarada xarici işlər naziri Hakan Fidan və ABŞ dövlət katibi Antoni Blinken arasında dekabrın 13-nə planlaşdırılan danışıqlarda səslənəcək.

Telekanalın Ankara bürosunun rəhbəri Dijle Canova deyib: “Mənə çatan məlumata görə, ABŞ-a bir daha açıq şəkildə bəyan edəcək: “Ya sən bununla məşğul ol, ya da biz lazım olan hər şeyi edəcəyik”.

Xüsusilə Türkiyə tərəfi Vaşinqtonun Suriya ilə bağlı öhdəliklərini yerinə yetirmədiyinə və PKK və onun Suriya qolu olan Xalq Müdafiə Qüvvələrinə (SDQ) dəstəyi dayandırmaq zərurətinə diqqət çəkəcək."

Türkiyənin Suriyanın şimalı ilə bağlı əsas məqsədi ilkin olaraq sərhəddə 30-40 km dərinliyə qədər təhlükəsizliyi təmin etmək olub. Bu məsələ ilə bağlı ABŞ və Türkiyə arasında razılaşma olub, öhdəliklər götürülüb, amma yerinə yetirilməyib”, – jurnalist qeyd edir.

Cavid