Bəşər Əsədin hakimiyyəti altında illərdir insanlıqdan kənar zülümlərin yaşandığı Suriya dekabrın 8-də qanlı əllərdən azad edilib.

Xalqcebhesi.az Türkiyənin “ensonhaber.com” saytına istinadən xəbər verir ki, Əsədin ölkədən qaçmasından sonra idarəçiliyi ələ keçirən müxalifət, Bəəs rejimindən sonra qalan yerlərdə axtarışları davam etdirir. Axtarışlar zamanı üzə çıxan rejimin qanlı izlərinə bir daha rast gəlinib.

Paytaxt Dəməşqin Əl-Zeynəbiyyə bölgəsində içərisində yalnız qadınların olduğu kütləvi məzarlıq aşkarlanıb. Kütləvi məzarlığa gedən suriyalılar qazılmış çuxurlarda tanış bir əşya və ya paltar parçaları tapmağa çalışırlar.