Vətəndaş müharibəsi zamanı Türkiyəyə sığınan suriyalılar 61 illik Bəəs rejiminin devrilməsindən sonra ölkələrinə qayıtmağa davam edir.

Xalqcebhesi.az-ın Türkiyənin “ensonhaber.com” saytına istinadən məlumatına görə, Kilisdəki Öncüpınar Gömrük Qapısında sıxlıq yaşayan suriyalılar Könüllü Geri Dönüş Birliyindəki əməliyyatlarından sonra ölkələrinə gedir.

Öncüpınar Gömrük Qapısına gələn Rəcəb Hüseyn (23) ölkəsindəki vətəndaş müharibəsi səbəbilə 9 il əvvəl Türkiyəyə sığındığını bildirərək “Müharibə bitdi, ölkəmə qayıdıram. İçimdə hüzur var, Türkiyəyə çox təşəkkür edirəm” deyə əlavə edib.

8 il əvvəl Türkiyəyə sığınan Məhəmməd Şakir (28) də Əsəd rejiminin süqutundan sonra Suriyaya qayıtdığını və "Əsəd getdi, hər şey yaxşı oldu. Artıq orada heç nə qalmayıb, çox xoşbəxtəm" deyib.