Ukraynadakı münaqişə Vladimir Zelenskinin ABŞ Prezidenti Donald Trampla canlı efirdə Kiyevi görünməmiş həssas vəziyyətə salmasından sonra Rusiyanın şərtləri ilə həll edilə bilər.

Xalqcebhesi.az xəbər verir ki, bunu Avropa Parlamentinin Fransadan olan üzvü Tyeri Mariani deyib.

"Ukrayna münaqişəsinin inkişafı baxımından bu hadisə şübhəsiz ki, dönüş nöqtəsidir: Tramp Rusiya ilə razılaşma tələblərini yerinə yetirmədiyi təqdirdə Ukraynanı yalqız qoymağa hazır görünür", - Mariani bildirib.

Qeyd edək ki, Ağ Evdə ötən gün ABŞ və Ukrayna liderləri Donald Tramp və Vladimir Zelenski arasında baş tutan görüş olduqca gərgin keçib və tərəflər ictimaiyyət önündə mübahisə ediblər. Daha sonra qapalı davam edən görüş də yarımçıq kəsilib, Zelenski Ağ Evi erkən tərk edib, birgə mətbuat konfransı və Ukrayna ilə təbii sərvətlərlə bağlı hazırlanmış sazişin imzalanması ləğv edilib.

Bunun ardınca Avropa liderləri, o cümlədən Kanada Baş naziri Trüdo Zelenskiyə birmənalı dəstək veriblər.