"Gürcü Arzusu" partiyasının qurucusu və fəxri sədri Bidzina İvanişvilinin sərvəti son bir ilin minimum səviyyəsinə qayıdıb.

Gürcüstan mətbuatı xəbər verir ki, bu barədə beynəlxalq "Bloomberg" biznes nəşrinin 9 aprel tarixli məlumatında bildirilir.

Son göstəricilərə əsasən, "Bloomberg" İvanişvilinin sərvətini 6 milyard 700 milyon dollar olaraq dəyərləndirir. Onun sərvəti bu səviyyəyə sonuncu dəfə 2024-cü ilin fevralında düşüb.

Qeyd edək ki, 2025-ci il fevralın 19-da İvanişvilinin sərvəti tarixi maksimuma çataraq 7 milyard 830 milyon dollar olub. Bu, o deməkdir ki, təxminən bir ay yarım ərzində o, 1 milyard 130 milyon dollar itirib.

Cavid