Gürcüstanın Baş naziri İrakli Kobaxidze Avropa İttifaqının sovet metodlarına əl atdığını, ölkədə “dərin dövlət” dövrünün geridə qaldığını söyləyib.

Gürcüstan mətbuatı xəbər verir ki, hökumət başçısı “Rustavi 2”nin efirində qonaq olarkən Gürcüstanın daxili siyasi vəziyyəti, suverenlik məsələləri və Avropa İttifaqı ilə münasibətlərə dair bəyanatlar verib.

Avropa İttifaqı ilə vizasız rejimin ləğvinin sadələşdirilməsi barədə yayılan məlumatlara da münasibət bildirən Baş nazir qeyd edib ki, bu qərar Gürcüstana qarşı yönəlməyib və ümumilikdə 61 ölkəni əhatə edir. O bəzi dairələrin bu məsələdən siyasi manipulyasiya üçün istifadə etdiyinə diqqət çəkib:

“Daimi şantaj sovet üsuludur. Təəssüf ki, bu sovet mentaliteti Brüssel bürokratiyasında hələ də geniş yayılıb. Onlar Gürcüstanı hələ də Sovet Sosialist Respublikası kimi görürlər. Halbuki bu gün Gürcüstan müstəqil və suveren dövlətdir və bu, dəyişməz qalacaq”.

Cavid