HƏMAS ABŞ ilə "Qəzzada atəşkəs" danışıqlarının yekunlaşmaq üzrə olduğunu bildirib və Türkiyə, Qətər və Misirə təşəkkür edib. Bəs bu minnətdarlığın səbəbi nədir?Diplomatik mənbələr bunun Türkiyənin oynadığı asanlaşdırıcı rol olduğunu bildirir.

Xalqcəbhəsi.az “TRT Haber”ə istinadla bildirir ki, HƏMAS verdiyi yazılı açıqlamada yekun razılığa gəlmək üçün səy göstərməyə hazır olduqlarını vurğulayaraq vasitəçilik roluna görə Türkiyəyə təşəkkür edib.

Diplomatik mənbələr bu “təşəkkür”ün səbəbi kimi Türkiyənin ABŞ vətəndaşı Edan Alexander-in azadlığa buraxılması prosesinin başlanğıcından HƏMAS və ABŞ arasında vasitəçi rolunu göstərir. Həmçinin qeyd edilir ki, HƏMAS-a heç bir təzyiq tətbiq edilmədən belə bir addım atılmasının Vaşinqtonla Qəzza arasında etimad mühitinin yaradılması baxımından əhəmiyyətlidir.

Türkiyə ABŞ tərəfinə HƏMAS-ın bu addımı atmasının davamlı sülhün bərqərar olması istiqamətində xoş niyyət olduğunu bildirib.
Diplomatik mənbələr Türkiyənin xarici işlər naziri Hakan Fidanın son həftələrdə HƏMAS ilə İstanbul, Ankara və Dohada təmasları zamanı bu məsələlərin ən mühüm gündəm mövzularından biri olduğunu vurğulayır.