Banqladeşin müxtəlif bölgələrində ildırım vurması nəticəsində ümumilikdə 13 nəfərin həyatını itirdiyi açıqlanıb.

Kişoreqanc və Brahmanbariya bölgələrində ildırım vurması nəticəsində biri uşaq olmaqla 9 nəfər, Çapaivabqanc, Naoqaon, Şerpur və Habiqanc bölgələrində isə bir nəfər ölüb.

Bildirək ki, paytaxt Dəkkə də daxil olmaqla, ölkənin bir çox bölgələrində leysan olacağı proqnozu verilib.

Banqladeşdə ildırım vurması nəticəsində ölənlər əsasən aprel-iyun ayları arasında baş verir. Bu ilin aprelində baş verən ildırımlar iki saatdan qısa bir müddətdə 9 nəfərin həyatına son qoyub.