Mayın 15-də İstanbulda Ukrayna nümayəndə heyəti ilə birbaşa danışıqlara hazır olduğunu açıqlayan Rusiya tərəfi danışıqlarda siyasi və texniki məsələlərin müzakirə olunacağını açıqlayıb.

Xalqcebhesi.az xəbər verir ki, Rusiyanın vitse-prezidenti Yuri Uşakov bildirib ki, Rusiya mayın 15-də İstanbulda Ukrayna nümayəndə heyəti ilə birbaşa danışıqlar aparmağa hazırdır: "Nümayəndə heyəti siyasi və çoxsaylı texniki məsələləri müzakirə edəcək. Bunun əsasında nümayəndə heyətində kimin olacağı müəyyənləşəcək". Görüş yerinin Rusiyanın İstanbuldakı Baş Konsulluğu və Türkiyə rəsmiləri tərəfindən hazırlandığını bildirən Rusiya rəsmisi, prezident Rəcəb Tayyib Ərdoğanın rusiyalı həmkarı Vladimir Putinlə telefon danışığında “ənənəvi türk qonaqpərvərliyi” göstərəcəyini vəd etdiyini bildirib.

Jurnalistin Rusiya lideri Putinlə ABŞ prezidenti Donald Tramp arasında Türkiyədə mümkün görüşlə bağlı hər hansı bir eyham olub-olmaması ilə bağlı sualına Uşakov, “Trampın Yaxın Şərqdə olduğunu və orada ciddi işlərlə məşğul olduğunu bilirik” deyib.

Məryəm