Microsoft, İsrail ordusuna qabaqcıl süni intellekt və bulud hesablama xidmətləri satdığını və israilli məhbusların tapılmasına kömək etdiyini bildirib.
Xalqcebhesi.az xəbər verir ki, Microsoft-un bloq səhifəsində yayımlanan bəyanatda şirkət 7 oktyabr 2023-cü ildən sonra İsrail hökumətinə xidmətlər göstərdiyini etiraf edib.
"Microsoft, 7 oktyabr 2023-cü il tarixindən sonrakı həftələrdə əsirlərin xilas edilməsinə kömək etmək üçün İsrail hökumətinə məhdud təcili yardım göstərdi", - deyə açıqlamada bəzi hallarda kommersiya müqavilələrinin şərtlərindən kənarda şirkət texnologiyalarına xüsusi girişin təmin edildiyi vurğulanıb.
Bəyanatda dəstəyin “əhəmiyyətli” nəzarət altında və məhdud əsaslarla təmin edildiyi vurğulanaraq, şirkətin “Qəzzada mülki şəxslərin məxfiliyinə və digər hüquqlarına hörmət etdiyinə” inandığı vurğulanıb.

Məryəm Quliyeva