Qərbi Afrika ölkəsi Qanada 4 M çiçək yoluxma faktı aşkarlanıb.
Xalqcebhesi.az xəbər verir ki, Qana Səhiyyə Xidmətinin (GHS) baş direktoru Samuel Kaba Akoriyea verdiyi yazılı açıqlamada, bu il ilk dəfə olaraq Böyük Akkra və Qərb əyalətlərində M çiçək hadisələrinin aşkar edildiyini bildirib.
Böyük Akkra əyalətində iki, Qərb əyalətində isə iki M çiçək xəstəliyinin aşkar edildiyini qeyd edən Akoriyea, iki hadisə ilə əvvəllər bildirilmiş hallar arasında epidemioloji əlaqənin olmadığını söylədi.
Akoriyea, epidemiyanın yayılmasının qarşısını almaq üçün ictimai sağlamlıq tədbirlərinin qüvvəyə mindiyini və təmasların axtarışına başlanıldığını bildirdi.
Qana hökumətinin ictimai sağlamlığı qorumaq əzminə diqqət çəkən Akoriyea, "Bütün vətəndaşlarımızın sağlamlığını qorumaq üçün müvafiq tədbirlər görməyə davam edəcəyik, oxşar hadisələrlə mübarizə təcrübəmizdən istifadə edəcəyik" deyib.

Məryəm Quliyeva