Əfqanıstanın şimalındakı Samangan vilayətində yerləşən kömür mədənində baş verən partlayış nəticəsində 7 nəfər həlak olub, 2 nəfər isə yaralanıb.
Xalqcebhesi.az Kabil mərkəzli Ariana televiziya kanalına istinadən xəbər verir ki, Samangan Polis İdarəsi Dar-e-Suf Payin bölgəsindəki kömür mədənində partlayış baş verdiyini açıqlayıb.
Partlayış nəticəsində 7 mədənçi həyatını itirib, yaralanan 2 mədənçi isə xəstəxanaya yerləşdirilib.
Samangan Polis İdarəsinin sözçüsü Həşmətullah Rəhmani jurnalistlərə açıqlamasında partlayışın mədəndə toplanan metan qazı səbəbilə baş verdiyini bildirib.

Məryəm Quliyeva