ABŞ-ın Ukrayna ilə bağlı sülh prosesində iştirakının qorunması Almaniya hökumətinin kansler Fridrix Merz dövründə xarici siyasətinin prioritetlərindən biri oldu. Bu məqsədlə o, Avropa ölkələri ilə ABŞ arasında bu məsələ ilə bağlı texniki görüş keçirməyi təklif edib. Bu barədə "Bild" qəzeti məlumat verib.

O, bu təklifi Aİ, Fransa, İtaliya, Finlandiya və Almaniya liderlərinin mayın 19-da ABŞ prezidenti Donald Trampla telefon danışığı zamanı verib. Nəşrin yazdığı kimi, bu söhbət "əvvəllər bilinəndən daha dramatik idi və iştirakçıların bildirdiyinə görə, Avropa baxımından daha da pis ola bilərdi".

Tramp söhbət əsnasında Vaşinqtonun sülh prosesindən çıxdığını açıqladıqda, Rusiya və Ukrayna birbaşa danışıqlar aparacaqları üçün "hamı nəfəsini kəsdi" qəzet Avropa liderlərinin reaksiyasını təsvir edir. Trampın bununla nə demək istədiyini dəqiqləşdirməyə cəsarət etmədilər. Çünki ABŞ-ın Ukraynaya dəstəyini tamamilə dayandıracağını elan edəcəyindən qorxdular.

Trampın sülh prosesindən ayrılmasının qarşısını almaq Fridrix Merzin ən vacib xarici siyasət məqsədlərindən biridir" deyə qəzet hökumət dairələrindəki mənbələrə istinadən yazır. Buna görə Merz telefon danışığı zamanı həmsöhbətlərinə "Rusiya və Ukrayna arasında qarşıdakı danışıqları hazırlamaq" üçün birgə "texniki görüş"keçirməyi təklif etdi. "Avropalıları rahatlaşdırmaq üçün Tramp təklifi qəbul etdi" deyə nəşr yazır.

Cavid