ABŞ-ın keçmiş Mənzil və Şəhərsalma nazir müavini Ketrin Ostin Fitts elmi-fantastik filmləri xatırladan bir iddia ilə çıxış edib. Onun sözlərinə görə, ABŞ hökuməti 1998–2015-ci illər arasında 21 trilyon dollar vəsait xərcləyərək yerin altında 170-dən çox sığınacaq, hərbi baza və yaşayış kompleksi inşa edib. Bu obyektlər tamamilə gizli şəkildə, ictimaiyyətə və maliyyə hesabatlarına açıqlanmadan tikilib.

Bəzi mənbələr hətta okean dibində də bazaların qurulduğunu bildirir.

Xalqcebhesi.az xəbər verir ki, iddialara görə, bu obyektlər nüvə müharibəsi və ya böyük təbii fəlakət halında ölkə elitasının sağ qalması üçün nəzərdə tutulub. Akademik araşdırmalar da bu iddiaları müəyyən qədər dəstəkləyir.

Bu sığınacaqların dəqiq yerləri, kimlərin istifadə edə biləcəyi və texniki detalları tam məxfi saxlanılır. Məqsədin isə potensial qlobal fəlakətlər zamanı müəyyən qrupların təhlükəsizliyini təmin etmək olduğu bildirilir.

Məryəm Quliyeva