Soyqırımı törədən İsrail, Qəzza zolağında humanitar yardım işçilərini də hədəf alır.

Xalqcebhesi.az xəbər verir ki, İHH ilə Dünya Ərzaq Proqramının Qəzzada həyata keçirdiyi layihə çərçivəsində çalışan 5 əməkdaş İsrailin hücumu nəticəsində həyatını itirib.

600 gündür beynəlxalq və humanitar hüququ dəfələrlə pozan İsrail, hücumlarında heç bir fərq qoymur. Hədəf aldığı sahələr arasında humanitar yardım işçiləri də yer alır.

İnsan Haqları və Azadlıqları (İHH) Humanitar Yardım Vəqfinin əməkdaşları, Dünya Ərzaq Proqramı ilə Qəzzada həyata keçirdikləri layihə zamanı İsrailin hücumuna tuş gəlib.

İsrailin yardım maşınına endirdiyi hücum nəticəsində 5 nəfər ölüb, 2 nəfər ağır yaralanıb.

Məryəm Quliyeva