ABŞ Dövlət Departamenti bəyan edib ki, Şimali Koreyanın Rusiyaya hərbi dəstək verməsinə və Moskvadan bunun qarşılığında aldığı yardımlara son qoyulmalıdır.

Xalqcebhesi.az xəbər verir ki, Departamentin sözçü müavini Tommi Pigot gündəlik mətbuat konfransında çıxış edərək bildirib:
“Şimali Koreyanın müharibəyə birbaşa müdaxilə etməsi, Rusiyaya hərbi qüvvələr göndərməsi və Rusiyanın Şimali Koreyaya göstərdiyi hər cür dəstək bizi ciddi narahat etməyə davam edir.”

Pigot əlavə edib ki, bu mövzu ilə bağlı daha əvvəl də dəfələrlə açıqlama verilib:
“Əvvəllər də vurğuladığımız kimi, Şimali Koreya kimi Rusiya-Ukrayna müharibəsinə dəstək verən üçüncü ölkələr bu münaqişədə məsuliyyət daşıyırlar.”

Məryəm Quliyeva