ABŞ Konqresinin Nümayəndələr Palatası Vaşinqton administrasiyasının xarici yardım proqramları, həmçinin Milli İctimai Radio (NPR) və PBS yayımı üçün hökumətin maliyyələşdirməsini 9,4 milyard dollar azaltmaq təklifini dəstəkləyib.

Sənədi 214 deputat dəstəkləyib, 212 deputat əleyhinə çıxıb. İclas Nümayəndələr Palatasının saytında yayımlanıb.

ABŞ prezidenti Donald Tramp bu ayın əvvəlində qanunvericilərə təklifi təqdim edib. O, Konqres tərəfindən əvvəllər təsdiq edilmiş 9,4 milyard dollarlıq maliyyənin ləğvini nəzərdə tutur.

Bu vəsaitin 1,1 milyard dollarının Milli İctimai Radio və PBS-ə verilməsi planlaşdırılırdı. ABŞ Beynəlxalq İnkişaf Agentliyi (USAID) vasitəsilə xarici yardım proqramları üçün təxminən 8,3 milyard dollar ayrılmalı idi. Sənədin ABŞ Senatında nə vaxt nəzərdən keçiriləcəyi hələ məlum deyil. Respublikaçılar hazırda Konqresin hər iki palatasında çoxluq təşkil edir.

Cavid