Polşanın cənubunda atışma baş verdi – 3 nəfər yaralandı.

Polşanın cənubundakı Malopolye voyevodalığının Limanov dairəsinə bağlı Stara Ves kəndində bir evdə baş verən atışma nəticəsində 3 nəfər xəsarət alıb.

Xalqcebhesi.az xəbər verir ki, bu barədə RMF FM radiostansiyasına istinadən RIA Novosti məlumat yayıb.

Məlumata görə, 57 yaşlı şübhəli şəxs evdə insanlara atəş açıb, onlardan biri onun oğlu olub. Hadisədən sonra şübhəli meşəyə qaçaraq gizlənib, polis onun avtomobilini aşkarlayıb. Hüquq-mühafizə orqanları şübhəlinin silahlı və təhlükəli olduğu barədə xəbərdarlıq edib.

Məryəm Quliyeva