Almaniya kansleri Fridrix Merz Rusiya Prezidenti Vladimir Putinlə telefon danışığı aparmağın hazırda məqsədəuyğun olmadığını bildirib. Onun fikrincə, bu cür əlaqələr Ukraynadakı müharibənin daha da alovlanmasına səbəb olur.

Xalqcebhesi.az xəbər verir ki, bu barədə Merz Süddeutsche Zeitung qəzetinə müsahibəsində danışıb.

Kanslerin sözlərinə görə, ötən ilin yayında Macarıstanın Baş naziri Viktor Orbanın Moskvaya səfərindən və keçmiş kansler Olaf Şoltsun Putinlə son telefon danışığından sonra Rusiya ordusunun hücumları və Ukrayna şəhərlərinə raket zərbələri artıb.

“Əgər bu cür danışıq və səfərlərin nəticəsi bundan ibarətdirsə, mən belə təmaslardan uzun müddət uzaq durardım”, – deyə Merz vurğulayıb.

Məryəm Quliyeva