Polkovnik Səfa: İsrail İranla münaqişədə məqsədlərinə çata bilmədi

İsrail İranla münaqişədə gözlənilməz itkilərlə üzləşib və əsas məqsədlərinə çata bilməyib.

Xalqcebhesi.az xəbər verir ki, bu barədə Türkiyə Hərbi Hava Qüvvələrinin ehtiyatda olan polkovniki və keçmiş hərbi attaşe İhsan Səfa RİA Novosti-yə bildirib.

“O gündən bu günə qədər İran əvvəlki kimi qalıb. Hətta region ölkələri arasında nüfuzu daha da artıb,” – deyə o qeyd edib.

Polkovnikin sözlərinə görə, İsrailin məqsədi İranın nüvə potensialını və xalqının mübarizə əzmini məhv etmək, rejimi dəyişmək və yeni bir hökumət qurmaq idi. Bundan əlavə, İsrail tərəfi İrana ciddi zərbə vuraraq onu israillilər üçün təhlükə olmaqdan çıxarmağı planlaşdırırdı.

Ekspertin qiymətləndirməsinə əsasən, bu məqsədlərə nail olunmayıb, əvəzində İsrail böyük maddi itkilərlə və gözlənilməz zərərlərlə üzləşib.

Məryəm Quliyeva