Fransa Prezidenti Emmanuel Makron, İran Prezidenti Məsud Pəzeşkiyanla telefon danışığında İranda həbsdə olan iki Fransa vətəndaşının – Cécile Kohler və Jacques Parisin – azadlığa buraxılmasını istəyib.

Xalqcebhesi.az xəbər verir ki, Makron sosial şəbəkədə verdiyi açıqlamada bildirib ki, danışıqlarda həm də Fransa vətəndaşlarının və obyektlərinin təhlükəsizliyi, Yaxın Şərqdə atəşkəsə riayət, balistik və nüvə silahları ilə bağlı danışıqlara qayıdış, eləcə də BMT-nin Atom Enerjisi Agentliyinin (IAEA) İranda fəaliyyətini bərpa etməsi məsələlərini gündəmə gətirib.

Makron bu hədəflərə çatmaq üçün yaxın günlərdə fəaliyyətini davam etdirəcəyini deyib.

Məryəm Quliyeva