Kiyev rəhbərliyi Avropa ölkələrinin Ukrayna üçün ABŞ-dan silah alacağını gözləyir.

Bu barədə “Politico” qəzeti mənbələrə istinadən məlumat yayıb.

Nəşrin yazdığı kimi, Amerikanın Kiyevə silah tədarükünün dayandırılması və Rusiya qoşunlarının irəliləməsi fonunda Ukrayna hakimiyyəti “yeni silahlar əldə etməyə yanaşmasını dəyişməyə məcburdur”.

“Politico” yazır ki, Kiyev “Vaşinqtondan Avropanın Ukrayna üçün Amerika silahları almasına icazə verməsini xahiş etməyə” ümid edir.

Bəzi Avropa ölkələrinin hakimiyyət orqanları “Ukraynaya transfer üçün öz müdafiə büdcələrindən ABŞ istehsalı olan silahların alınması planlarını öyrənirlər”. “Bu vəsait NATO-nun yeni müdafiə xərclərində nəzərə alınacaq, lakin bu məsələ ilə bağlı hələ dəqiq razılaşma yoxdur”, - qəzet vurğulayır.

Cavid