Qəzza şəhəri ağır su qıtlığı ilə üzləşib.

Xalqcebhesi.az xəbər verirki, bələdiyyənin məlumatına görə, gündəlik su ehtiyacı 100 min kubmetr olduğu halda, hazırda yalnız 24 min kubmetr su təmin edilir. Su çatışmazlığı 76%-i keçib.

96 su quyusundan cəmi 19-u işləkdir. İsrailin hücumları nəticəsində 56 quyu sıradan çıxıb, 14-ü isə təhlükəli bölgələrdə yerləşdiyindən istifadə mümkün deyil. 7 quyu da yanacaq və texniki imkanların olmaması səbəbilə fəaliyyətsizdir.

Qəzzada yüz minlərlə insanın bir araya toplanması səbəbindən infeksiya və epidemiyalar riski artır. Bələdiyyə, məhdud imkanlara baxmayaraq, aktiv quyular və su tanker sistemi ilə su paylanmasını davam etdirir.

Məryəm Quliyeva