Dünya Hava Hadisələrinin Əlaqələndirilməsi qrupu tərəfindən dərc edilən bir araşdırma, iqlim böhranının Avropada istiliklə bağlı ölümləri üç dəfə artırdığını ortaya qoyub.

Alimlər iqlim dəyişikliyi baş verməsəydi, iyunun sonu və iyulun əvvəllərində Avropaya təsir edən temperaturun 1-4 dərəcə sərin olacağını bildiriblər.

Araşdırma London, Paris, Madrid, Barselona və Roma da daxil olmaqla, Avropanın 12 böyük şəhərində toplam 2300 istiyə bağlı ölüm yaşandığını ortaya qoyub. Bunların təxminən 1500-ü, yəni 65 faizi insan fəaliyyəti nəticəsində yaranan qlobal istiləşmə ilə bağlıdır.

Londonda 263 ölümlə yanaşı, Madriddə 317 və Parisdə 235 nəfərin istidən öldüyü təxmin edilir.