"Qərb" qrupunun hava hücumundan müdafiə bölmələri, mobil atəş qrupları və hava müşahidə postları son 24 saat ərzində Ukrayna Silahlı Qüvvələrinə məxsus 41 pilotsuz uçan aparatı məhv edib.

Bu barədə qrupun mətbuat mərkəzinin rəhbəri Leonid Şarov bildirib.

"Hava hücumundan müdafiə bölmələri 19 təyyarə tipli pilotsuz uçuş aparatını məhv edib. Mobil atəş qrupları və hava müşahidə postları 22 ağır döyüş kvadrokopteri R-18-i vurublar”, - Şarov Rusiya Müdafiə Nazirliyinin yaydığı videoda bildirib.

Onun sözlərinə görə, son 24 saat ərzində qrupun məsuliyyət zonasında 64 pilotsuz təyyarə idarəetmə məntəqəsi və düşmənin 8 silah-sursat anbarı da məhv edilib.

Cavid