Birləşmiş Millətlər Təşkilatının (BMT) Baş Assambleyasının Qəzza zolağına olan hücumları müzakirə etmək üçün sentyabrda keçiriləcək iclasından əvvəl Böyük Britaniya, Fransa, Kanada, Malta və Avstriyanın Fələstin hökumətini tanımağa qərar verəcəyi açıqlanıb. Sözügedən açıqlamalarla bağlı Ağ Ev rəsmisi mətbuata məlumat verib.

ABŞ Kanadanın Fələstin Dövlətini tanımaq qərarı alan ölkələr sırasına daxil edilməsinə münasibət bildirib. Ağ Ev rəsmisi jurnalistlərə göndərdiyi açıqlamada ABŞ prezidenti Donald Trampın "Fələstin Dövlətini tanınmanın HƏMAS-ı mükafatlandırmaq mənasına gəldiyini" düşündüyünü xatırladaraq "O, HƏMAS-ın mükafatlandırılmaması lazım olduğunu düşünür. Ona görə də belə bir addım atmayacaq. Prezident Trampın öncəliyi insanlara yemək çatdırmaqdır" deyib.