Nigeriyanın Adamava ştatında daşqınlar nəticəsində 23 nəfər ölüb.

Xalqcebhesi.az xəbər verir ki, Nigeriyanın Adamava əyalətində güclü yağışların səbəb olduğu daşqınlarda ölənlərin sayı 23-ə çatıb. Səlahiyyətlilər seldə itkin düşənlərin axtarışlarının davam etdiyini bildirib.

Adamava qubernatoru Əhmədu Umaru Fintiri iyulun 27-də ştatın Şaqari, Yolde Pate və Sabon Pegi rayonlarında yağan şiddətli yağışların səbəb olduğu daşqınlar nəticəsində ölənlərin sayının 23-ə yüksəldiyini açıqlayıb.

Qiymətləndirmə aparmaq üçün texniki komitə quracaqlarını qeyd edən Fintiri, sel səbəbiylə çox sayda insanın itkin düşdüyünü bildirib.

Məryəm Quliyeva