Amerika aviaşirkəti United Airlines texnologiya problemi səbəbiylə ABŞ-dəki bütün əsas uçuşları dayandırdığını açıqlayıb.

Federal Aviasiya Administrasiyasının (FAA) saytında yer alan məlumatlara görə, bu, Çikaqo, Denver, Hyuston, San-Fransisko və Nyu Cersi kimi böyük hava limanlarında fasilələrə səbəb olub.

United Airlines “problemi həll etməyə çalışdığımız üçün bu axşam əlavə gecikmələr gözləyirik” deyib. Aviaşirkət həmçinin “Təhlükəsizlik bizim əsas prioritetimizdir. Biz sərnişinlərimizi təyinat yerlərinə çatdırmaq üçün çalışırıq” deyə vurğulayıb.

United Airlines hazırda havada olan uçuşların təyinat yerlərinə çatmağa davam edəcəyini, regional uçuşların birbaşa təsirlənməyəcəyini, lakin yerüstü trafik səbəbindən gecikmələrin ola biləcəyini qeyd edib.