İsrail Qəzzanı bütünlüklə hərbi yolla ələ keçirmə planını açıqladıqdan sonra Belçikanın xarici işlər naziri Maksim Prevot İsrailin Brüsseldəki səfiri İdit Rosenzveyq-Abunu nazirliyə çağırıb.

Prevot verdiyi açıqlamada Belçikanın İsrailin qərarını pislədiyini ifadə edərək “Artıq bu, niyyətlərin tərsinə çevrilməsi üçün güclü bir şəkildə yalvarma məsələsi halına gəlir” deyib.

Prevot qərarın qəbuledilməz və beynəlxalq hüquqa zidd olduğunu bildirərək həmçinin Fələstin torpaqlarını qəsb edən israillilərin Fələstin dövlətinin ərazi bütövlüyünü təhdid edən E1 layihəsi də daxil olmaqla hərəkətlərini tənqid edib. Prevot “Fələstini xəritədən silmə potensialına malik olan bütün bu hərəkətlər qəbuledilməzdir. Bütün bunlar beynəlxalq hüquqa, Birləşmiş Millətlər Təşkilatının və Beynəlxalq Ədalət Məhkəməsinin qərarlarına ziddir” deyə vurğulayıb.