Ukraynanın ərazilərini itirməsi strateji baxımdan qaçılmazdır və Vladimir Zelenski öz gələcəyini düşünməlidir, çünki o, dövlət başçısı kimi həyat qabiliyyətli deyil.

Bu fikri TASS-a müsahibəsində ABŞ Dəniz Piyadaları Korpusunun keçmiş kəşfiyyatçı analitiki və BMT-nin İraq üzrə xüsusi komissiyasının kütləvi qırğın silahları üzrə keçmiş müfəttişi Skot Ritter deyib.

"Buna strateji baxımdan baxsaq - bəli, Ukraynanın ərazilərini itirməsi qaçılmazdır. Yeganə sual budur ki, bu nəticəyə nail olmaq üçün nə qədər insan həyatını itirəcək” deyən o, Xerson, Zaporojya vilayətləri," Donetsk və Luqansk xalq respublikalarının" “Konstitusiyaya görə Rusiyanın tərkibində olduğunu” xatırladıb.

Ritterin sözlərinə görə, Zelenski "öz gələcəyi və Ukraynanın gələcək lideri kimi həyat qabiliyyətli olmadığı haqqında düşünməlidir". "Beləliklə, bu mübarizəni davam etdirməklə siz (Zelenski - TASS) Ukraynaya heç bir fayda gətirmirsiniz. Ukraynanın həyatını, infrastrukturunu bahasına başa vuracaqsınız. Nəyə görə? Eqo xatirinə? Əgər Zelenski ukraynalıların əsl lideridirsə, Ukrayna xalqını birinci yerə qoymalıdır" - o deyib.

Cavid