Şimali Atlantika Alyansı Polşa səmasında dron insidentinin hərtərəfli qiymətləndirilməsini həyata keçirir.

Xalqcebhesi.az xəbər verir ki, bunu NATO-nun baş katibi Mark Rutte deyib.

"Şimali Atlantika Şurası bu gün səhər saatlarında Vaşinqton müqaviləsinin 4-cü maddəsinə əsasən Polşanın tələb etdiyi məsləhətləşmələr kontekstində vəziyyəti müzakirə etmək üçün toplaşıb. Hadisənin hərtərəfli qiymətləndirilməsi davam edir", - deyə o, NATO-nun Polşanın hava məkanının pozulmasının "təcrid olunmuş bir hadisə olmadığını" qiymətləndirdiyini bildirib.

Rutte əlavə edib ki, alyans şərq cinahında baş verənləri diqqətlə izləyəcək və hava hücumundan müdafiə sistemlərini döyüş hazırlığı vəziyyətində saxlayacaq.

Məryəm Quliyeva