Türkiyədə mikroavtobusun aşması nəticəsində iki nəfər ölüb, səkkiz nəfər yaralanıb.

"Report" "Haber Global"a istinadən xəbər verir ki, hadisə Qaziantep vilayətində, Qaziantep- Şanlıurfa yolunda qeydə alınıb.

Qəzaya səbəb mikroavtobusun təkərinin partlaması olub. Hadisə yerinə polis və təcili tibbi yardım əməkdaşları cəlb edilib.

Xəsarət alanlar xəstəxanaya yerləşdirilib. Hadisə ilə bağlı araşdırma başladılıb.