BMT Baş Assambleyasının 80-ci sessiyası öncə Avropanın bir neçə ölkəsinin Fələstini dövlət kimi tanıması gözlənilən idi. Özləri bunu bəyan etmişlər. Söhbət Mahmud Abbasın rəhbərlik etdiyi hökumətdən gedir hansı ki, İordan çayının sahilində Ramallahda yerləşir.

Bunu "Xalq Cəbhəsi"nə politoloq Sultan Zahidov deyib.

O, qeyd edib ki, artıq 160-yə yaxın ölkə Fələstini dövlət kimi tanıyır, bu daha çox simvolik məna daşıyır. Beynəlxalq hüquqa görə, bir dövlətin başqa dövlət tərəfindən tanımağı onun mövcudluğu anlamına gəlmir. Amma bu tanınma Fələstinə bir siyasi dəstək ifadə edə bilər:

"Eyni zamanda bu İsrailə də bir mesajdır ki, o, Qəzzada humanitar böhranı durdurmalı və beynəlxaq humanitar yardıma yol verməlidir. Əks təqdirdə onun beynəlxalq siyasi təcridi daha da dərinləşəcək. Bu gün həqiqətən də İsrailin yanında bir neçə ölkə var, qalanlar onu Fələstinə qarşı siyasətindən əl çəkməsini tələb efir. Elə Avropa Birliyi də bu mövqedədir. Avropa Birliyində İsrailə qarşı hətta sanksiyaların tətbiqi müzakirə mövzusudur. İsrail Yaxın və Orta Şərqdə demək olar ki, hərbi cəhətdən qələbələr qazanıb. Rəqiblərini zəiflədib, HƏMAS zəifləyib, Qəzza nəzarəti altındadır, Hizbullah zəifləyib. Amma məsələ burasındadır ki, bu hərbi zəfırlərini siyasi arenaya çıxara bilmir. Qəzzada günahsız insanların öldürülməsinə, bombalamağa, mülki əhalinin aclıq şəraitində yaşamasına səbəb olduğuna görə".

Cavid