Özbəkistanın hüquq-mühafizə orqanları Nəvai vilayətində təxminən 104 milyard sum (təxminən 8,6 milyon dollar) dəyərində kriptovalyutaların qanunsuz dövriyyəsində iştirak etməkdə şübhəli bilinən dörd şəxsi saxlayıb.

Xalqcebhesi.az xəbər verir ki, bu barədə Daxili İşlər Nazirliyinin Kibertəhlükəsizlik Mərkəzindən məlumat verilib.

Agentliyin məlumatına görə, saxlanılan şəxslər yanvar-avqust ayları ərzində yerli onlayn platformalardan istifadə edərək müəyyən edilmiş qaydalardan yayınmaq üçün qanunsuz kriptovalyuta əməliyyatları həyata keçiriblər. Axtarış zamanı onlardan 12 mobil telefon, 70-ə yaxın bank kartı və kompüter avadanlığı götürülüb.
Mərkəzdən aydınlıq gətirilib ki, hazırda istintaq-əməliyyat tədbirləri aparılır.

Məryəm Quliyeva