Pakistanın şimal-qərbində, Xeyber-Paxtunxva əyalətinin Şimali Vəziristan rayonunda toqquşmalarda 10 silahlı öldürülüb.

Xalqcebhesi.az xəbər verir ki, təhlükəsizlik rəsmilərinin məlumatına görə, kamikadze Şimali Vəziristan əyalətinin Mir Əli rayonunda təhlükəsizlik qüvvələrinin obyektinə hücum etməyə cəhd edib.
Səlahiyyətlilər bildiriblər ki, terrorçu-kamikadze maşınla ərazidəki təhlükəsizlik qüvvələrinin obyektinə hücum edib və 3 silahlı yaraqlı təhlükəsizlik qüvvələri ilə atışmada olub.
Səlahiyyətlilər qarşıdurma nəticəsində 3 yaraqlının zərərsizləşdirildiyini, bomba yüklü avtomobilin partlaması nəticəsində yaxınlıqdakı evlərə ziyan vurduğunu və avtomobili idarə edən silahlının öldürüldüyünü açıqlayıb.
Səlahiyyətlilər təhlükəsizlik qüvvələri arasında hər hansı itki olub-olmaması barədə məlumat açıqlamayıblar.
Bu arada, Geo News-un məlumatına görə, Şimali Vəziristanın Datta Khel bölgəsində təhlükəsizlik qüvvələrinin keçirdiyi başqa əməliyyatda 6 yaraqlı zərərsizləşdirilib.

Məryəm Quliyeva