Fələstinin HƏMAS hərəkatı Qəzza zolağında atəşkəs razılaşmasının birinci mərhələsi çərçivəsində üzərinə düşən bütün öhdəlikləri yerinə yetirdiyinə inanır.

Xalqcebhesi.az xəbər verir ki, bu fikri radikalların təmsilçisi Hazem Qasem deyib.

"HƏMAS birinci mərhələni başa çatdırmaq üçün bütün şərtləri yerinə yetirib: canlı girovların azad edilməsi və ölənlərin bəzilərinin cəsədlərinin təhvil verilməsi. Hazırda biz qalan cəsədlərin götürülməsi və təhvil verilməsi üzərində işləyirik", - deyə o bildirib.

Qasimin çıxışının mətni HƏMAS-ın Teleqram kanalında dərc olunub.

Hərəkatın nümayəndəsi əlavə edib ki, "sövdələşmənin ikinci mərhələsinin həyata keçirilməsinə başlamaq üçün vasitəçilər ilə əlavə danışıqlar raundunun keçirilməsi lazım gələcək", çünki sazişin ikinci mərhələsi "ətraflı müzakirə tələb edən məsələlərlə birbaşa bağlıdır".

Məryəm Quliyeva