Taylandda 97 turistin Koh Kud adasından Siam körfəzinə aparılması zamanı sərnişin gəmisi gövdə zədəsi alıb.

Xalqcebhesi.az xəbər verir ki, bu barədə "Khaosod" qəzeti məlumat yayıb.

Nəşrin məlumatına görə, hadisə açıq dənizdə baş verdiyi üçün sərnişinlər təcili yardıma ehtiyac duyublar. Fövqəladə hallar xidməti çağırışı aldıqdan sonra Taylandın xilasedici gəmiləri turistləri təxliyə etmək üçün hadisə yerinə göndərilib.

Krallığın turizm polisinin məlumatına görə, hadisə Trat əyalətinin sahilindən 10 dəniz mili (18,5 km) məsafədə baş verib.