Avropa hava limanlarında dron xaosu davam edərkən, Litva fərqli bir problemlə üzləşir. Vilnüs hava limanı Belarusdan göndərilən qaçaqmal siqaretləri daşıyan hava şarları səbəbindən 9-cu dəfə bağlanıb.

Xalqcebhesi.az xəbər verir ki, Danimarka, Almaniya, Norveç, Belçika və Hollandiya kimi ölkələrin hava limanlarında uçuşlar müəmmalı dron xəbərdarlığı səbəbiylə bağlanmağa davam edir.
Litvanın Vilnüs hava limanı hava şarlarının hava məkanına düşməsi səbəbindən fəaliyyətini müvəqqəti olaraq dayandırmağa məcbur olub. Vilnüsə gedən bir çox reyslər başqa şəhərlərə yönləndirilib.
Vilnüsdəki bu bağlanma oktyabrın əvvəlindən bəri doqquzuncu belə bağlanmadır.
Litva hökuməti bildirir ki, fasilələrə Belarusdan göndərilən qaçaqmalçılıqla bağlı siqaret daşıyan hava şarları səbəb olub.
Litva hava şarları ilə bağlı insidentlərə cavab olaraq keçən ay Belarusla sərhədindəki hər iki keçid məntəqəsini bağlamışdı. Lakin hava nəqliyyatında yaranan fasilələr dayandığı görünəndə həftənin əvvəlində keçidlər yenidən açılıb.

Məryəm Quliyeva