Şiə "Hizbullah" hərəkatı bir il əvvəl Livanda atəşkəs razılaşmasından sonra hərbi strukturunu tərksilah etməyib və ya ləğv etməyib.

Xalqcebhesi.az xəbər verir ki, bu sözləri İsrail Müdafiə Qüvvələrinin (IDF) rəsmi nümayəndəsi Nadav Şoşani deyib.

"Düz bir il əvvəl İsrail və Livan arasında atəşkəs sazişi qüvvəyə minib. Bu razılaşmaya əsasən, Hizbullah terror və hərbi strukturunu tamamilə tərksilah etməli və sıradan çıxarmalı idi. Lakin o, heç birini etmədi", - Şoşani X-də yazıb.

Onun sözlərinə görə, Hizbullah "əvəzində bir il İran rejiminin dəstəyi ilə yenidən qurulması və silahlanmasına sərf edib". "Hizbullah İsrail üçün təhlükə yaratdığı müddətcə, biz (IDF) özümüzü müdafiə etmək üçün lazım olan hər şeyi etməyə davam edəcəyik", - deyə o əmin edib.

Məryəm Quliyeva