Tailand hakimiyyəti Kamboca ilə gərginliyin artması səbəbindən sərhəd bölgələrindəki 641 məktəbdə fəaliyyətini müvəqqəti dayandırmaq qərarına gəlib.

Xalqcebhesi.az "Khaosod"a istinadən xəbər verir ki, bu barədə Tailandın Təhsil Nazirliyinin açıqlamasında bildirilir.

Açıqlamada qeyd edildiyi kimi, ölkənin Təhsil Nazirliyi bəzi bölgələrdə məktəb karantinin müddətinin uzadılması və ya tədrisin onlayn formata keçirilməsi zərurəti yaranarsa, vəziyyəti diqqətlə izləyir və tədbirlər planı hazırlayır. Nazirlik qeyd edib ki, "şagirdlərin və məktəb işçilərinin təhlükəsizliyi ən vacib prioritetdir".

Tailand və Kambocanın sərhəd bölgələrində döyüşlər ötən həftə sonu şiddətlənib və bu günə qədər davam edir.

Dekabrın 8-də Tailand Kambocanı Buriram əyalətindəki mülki ərazilərə hücum etməkdə günahlandırıb.

Məryəm Quliyeva